"Градот ми е другар близок, мил,.
од дете со него јас сум бил..."
(Паки)
Уште растат великани, еднакви на звуците на Шпато,
по кој ритам движат денес внуците на квартот?
Би прошле цел свет да знаат каде води патот,
гладни за уште после, години доста хардкор!
Прошле, а ништо поише од што им нуди градот,
од его кули градат, слика за евро квадрат,
не мора, но неморално пак го прават,
идоли погрешни ко херои на скопската естрада.
Fuck it! Доле со култура и брендот градски!
Ко Вардар, Комити, Сити Парк, К-15, Драмски!
Ко Smut, Саф, Легијата и секој состав братски,
Зад Aголот е Скопје, а Скопје вечно памти!
(Даре ДТ)
Најди не со Блејз во бело Пунто, спрејот и Микс Уно,
звукот брутален ко Кензо, башка фет ко сумо!
Тагови во секој влез, мочан секој лифт е знаеш,
Скопје ruff and rugged, бедот резба карактер во камен!
Над нас ко да е небо, виси смогот на Хо Ши Мин,
за сечиви профити плуќи печат ко бронзен бик!
Ебеш престол, визија сме Жак Фреско,
чувај го градот, вистина е, нема друго место!
Злото ќе те зарази лесно ко игла во школски,
ветува свет нов, мами вешто првиот допир,
но градов не го прават згради, ни бекатонот, ни плочки,
туку добри луѓе во тешки времиња, ти со кои си?
"Овде нашле сите пристан свој,
ги прими, ги гушнав в преграт твој"
(Веле КН)
Имам чуено за подобро место, но нема место како дома,
тука сум ја почнал, ќе ја завршам борбата моја!
Од лулка до гроба, сме деца од овој асвалт!
Никнати ко роза на своја мака ништо на тацна!
Ова е мој град, Скопје е мојата младост,
моја среќа, моја тага, мојата слабост,
тој ми е верен другар и дел од секоја тајна,
имаме иста трка, временски предолга стаза!
Улици пуни гнев и немир, Вардар не ги пере,
пребрзо време стига исходот стега ко менгеме,
задња генерација што видела добро,
и после се тука би се родил одпоново - Скопје!
(Аце КН)
Скопје, запад стара школа 091,
деца на предградијата влијаат и се бедем,
мелем за душа, Нина Спирова рефрен,
есен скопска, има да паднат ко од Вардар - Веспрем!
Класик ко вестерн или како Отело,
во градот на гневот хранет од килограми бело,
еј, многу мркајлии и сајли го јадат бедот,
ги има сегде од Китка до пештерата Врело,
но медот, не е кај нив - промаши!
Ефтини клошари ми глумат Берлин за сиромашни!
Многу деца запалени како пожари,
не сфаќаат дека на злото самите се ложари!
"Градот ми е другар близок, мил,.
од дете со него јас сум бил..."
credits
from СИНГЛОВИ (2012 - 202X),
track released November 12, 2021
Вокали и текст: Павле Димковски, Дарко Димитриески,
Веле Талески & Александар Стојмановски
Музика и аранжман: Баже Јовановски
Mикс и мастеринг: Баже Јовановски
Кавер дизајн: Дарко Димитриески
Продукција - Студио: Зад Аголот / Соулментал
