Во рап музикава го барам мојот мир, римување ми е ко риболов
Надвор од драми и сивило, тензии – да им се намали нивото,
Приборот ми се зборовите,триков во овие даваат прилог од
Моите визии, мислење, минато за кое нема да дадам јас приговор никад!
Губам енергија кога се фокусирам на другите животи,
Туѓите имоти, фрките минорни кои за жал се неминовни,
Премногу мислам на мојата иднина а не сум видовит,
Чудни сме видови идоли ни се хоштаплери а после други се виновни? -Добар си!
Тука на третиот камен од ѕвездата, работ на бездната – работа зезната
Би требало да сме излезени веќе, а ние - на влезната!
Спуштај завесата како завршува песната,
А зад кулисите конците ги држам истите додека немате претстава!
Еј, а гледате таква, а не гледате патња!
Визија матна пак ја запоставивте главната цел ко таква, апла!
Премногу фокус на својот гз валкан, штом така
Сте елиминирани одма од тема на муабет ко да сте најслаба алка!
РИМУВАЊЕ МИ Е КО РИБОЛОВ,
ТЕНЗИИ – ДА ИМ СЕ НАМАЛИ НИВОТО
ЗБОРОВИ КОИ ЌЕ ОБОЈАТ СЛИКА – ЕБИ ГО СИВОТО!
ПЛОВИДБА КОЈА НИЗ МИСЛИТЕ ГО ОПИШУВА ЖИВОТОТ
ИСПРАВУВА КРИВОТО ДОПИРА ПРЕКУ ЧЕРЕПОТ ПРАВО ДО ТКИВОТО! Х2
Наместо мајк на раперите некој брат нека им подаде копач и лопата
Попат и по рамо да ги испотапка дека истотака многу глупости тропаат!
Немаат врска! – А моите рими ко гробари, ќе ги закопаат
Не ќе се оправат додека фокусот им е на другите што прават!
А тек допрва фората ќе се разденува причава делува прелуда
Како на филм, дека мојов тим константно е предуван - плус и напредува!
Негува boom-bap звук, истекува ист како Вруток не секнува
Викај го фотон претекнува се во космос – Ти текнува!?
Еврејска фора ко Тората, знаење - порака можам да подарам но барам добар рап!
Искрени луѓе без разлика дали се богати или конобарат!
Товарот ист е, бирам да подавам рака и почит да оддавам,
создавам музика поради одбрана група на луѓе што почнала!
-Првата постава! Вршам и достава јас на респектот што постана!
Пред да сум пораснат битен ко сетила пет за реалноста позната!
Ситуацијава опстана дека додаваме ново – а старото остана
Грегори Перелман равенка строфава – што не се изостава!!!
РИМУВАЊЕ МИ Е КО РИБОЛОВ,
ТЕНЗИИ – ДА ИМ СЕ НАМАЛИ НИВОТО
ЗБОРОВИ КОИ ЌЕ ОБОЈАТ СЛИКА – ЕБИ ГО СИВОТО!
ПЛОВИДБА КОЈА НИЗ МИСЛИТЕ ГО ОПИШУВА ЖИВОТОТ
ИСПРАВУВА КРИВОТО ДОПИРА ПРЕКУ ЧЕРЕПОТ ПРАВО ДО ТКИВОТО! Х2
credits
from ТРЕТИОТ КАМЕН ОД СОНЦЕТО,
track released September 12, 2022
Aлбум: Третиот Камен од Сонцето (2022)
Вокали и текст: Александар Стојмановски
Музика и аранжман: Пуца Череп
Mикс и мастеринг: Ване Ивановски
Видео: Зад Аголот
Продукција - Студио: Зад Аголот / Соулментал
